今日11點幾，mama同姐姐仔講話要color paper，仲直接去姐姐仔間房上網訂，不過呢位mama做事很心急，一定要今日要，見到上網冇，仲要叫姐姐仔叫我洗樓問有冇color paper，我心諗mama又知道我地幢大廈一定有紙品廠？所以我擔任第一次的洗樓大使，由最高o個層洗到最低一層。

時間由中午12點開始出發(註：食飯時間12:30pm)，詳細就唔多講！好彩到最後6樓可以提供colo paper比我地，不過我真係好認真，繼續洗到最後一層，o個時已經係12:45pm。

傾好晒d野，決定去6樓訂紙，不過由於o個兩張紙唔同size，又唔係A4或F4，真係好難搞，之前個職員同我講話如果要即日拎要去中環拎，我心諗唔係呀fa….我點拎呀？最後個職位又講話如果即日拎可以拎去隔離楝大廈cut不過要加多$10，即cut費$50，加$10都好，起碼唔駛拎喇，最後就訂o左500張同1000張，價值$1482(包cut費用)，佢又話4:30pm前一定會送上來！真係4:30pm送到，真係好有效率！唔該晒！

咁都好起碼唔駛睇mama的面口，又可以交差，一舉兩得！ (完)